OILASKO KROKETA

Oso gutxitan saiatu naiz kroketak egiten, baina asteburuan oilasko errea egin eta jan eta gero, oilasko zati batzuk soberan geratu ziren. Aprobetxatzeko asmoz, kroketak egin genituen.

20 Unitate

Osagaiak:

  • 1L Esnea osoa
  • 100gr Irina
  • 100gr Gurina
  • 130gr Oilasko errea
  • 1/2 Tipulina
  • Intxaur muskatua
  • Gatza
  • Olioa
  • 2 Arrautza
  • Ogi birrindua

Prestaketa:

1.Tipulina brunoisen zatitu, zartagin bati olioa gehitu eta bero dagoenean tipulina gaineratu eta gaztez ondu, multzoa potxatu.


2.Tipulina biguna dagoenean, gurina zati txikietan gehitu eta urtzean, irina. Ongi irabiatu irinari kolorea aldatu arte.


3.Ondoren esnea gehitu, poliki-poliki, denbora guztian irabiatuz. Esnea erabat integraturik dagoenean, ondoren intxaur muskatua (koilaratxo baten erdia) eta oilaskoa zati txikietan gehitu eta multzoa ongi irabiatu. Orea egina egongo da, irabiatzean zartaginaren paretatik askatzen denean.


4.Erretilu bat olio pittin batekin igurtzi eta orea gehitu, ondo leundu eta film erabiliz estali. Kanpoan pare bat ordu hozten utzi eta hozkailuan sartu.


5.Erabat hotza dagoenean (nik egun batetik bestera egiten dut), arrautzak artu eta plater batean irabiatu, bestean nahi adina ogi birrindua gehitu eta, eskuekin edo bi koilara erabiliz , kroketei forma egin. Ondoren lehendabizi arrautzatik pasa eta azkenik ogi birrindutik. Zartagin batean behar den olioa gehitu eta bero dagoenean, frijitu gorritu arte.


6.Behin frijitua daudela, paper xurgatzaile baten gainean jarri, olioa kentzeko asmoz. Papera kendu eta platerean zerbitzatu.

Be the first to comment

Leave a Reply

Your email address will not be published.


*