DILISTAK TXORIZO ETA SAIHETSEKIN
![](https://errezetak.eus/wp-content/uploads/2022/02/IMG20220208143547-326x245.jpg)
Dilistak txorizoarekin eta txerri-saihetsarekin. Amonak prestatzen zuen errezeta erabat betea eta etxean erraz egiteko modukoa, edozein egunetarako aproposa, batez ere hotzetan.
4 Perts.
Osagaiak:
- 400gr Dilista
- 1/2 Tipula
- 1 Erramu hosto
- 2 Baratxuri alea
- 4 Egosteko txorizoa
- 2 k.h. Tomate birrindua
- 1 Azenario
- 1 Porrua
- Olioa
- Gatza
- 1 k.t. Piperrautsa
- Piperbeltza
Prestaketa:
1.Azenarioa, porrua, tipula eta baratxuri aleak zuritu eta brunoisen zatitu. Kazola sakon bat sutan jarri eta bero dagoenean olioa gehitu. Ondoren azenario gehitu, handik minutu batera, baratxuria eta tipula, gatzez ondu. 2 minutu pasa direnean, porrua gehitu eta multzoa potxatu.
![](https://errezetak.eus/wp-content/uploads/2022/01/IMG20220110130115-1024x768.jpg)
2.Minutu batzuen ondoren (barazkian bigunak daudenean) piperrautsa gaineratu, multzoa irabiatu ondoren tomatea gehitu, irabiatu eta tomatea egosi minutu batez. Dilistak txinoan garbitu.
![](https://errezetak.eus/wp-content/uploads/2022/02/IMG20220208092643-1024x768.jpg)
3.Txorizoak eta saihetsak kazolara gehitu eta gatz eta piperbeltzaz ondu. Irabiatu eta minutu batzuk erabili saihetsak gorritzeko (pausu hau, aparteko zartagin batean egin daiteke eta momentu honetan gaineratu).
![](https://errezetak.eus/wp-content/uploads/2022/02/IMG20220208092759-1024x768.jpg)
4.Ondoen dilistak gehitu eta segituan ur hotzez estali. Okela eta barazkietatik hatz bat ur gainetik egon behar da. Kazola estali eta su indartsuan jarri. Irakiten hasten denetik,15-20 minutuz egosi (kazola eta dilistaren arabera denbora aldatzen da). Zerbitzatu.
![](https://errezetak.eus/wp-content/uploads/2022/02/IMG20220208093727-1024x768.jpg)