INDIOILARRA LARANJA-ZIAPE SALTSAN, ETA ARROZA AZAFRAI USAINAREKIN
![](https://errezetak.eus/wp-content/uploads/2014/01/indioilarra_laranja_ziape_saltsan_1-326x245.jpg)
Indioilarra modu berberean ez prestatzearren, errezeta hau asmatu genuen.
Osagaiak:
4 perts.
Indioilar azpizuna 800gr
2 Tipula
Laranja marmelada mingotsa 250gr
2 Koilarakada Dijon ziapea
2 Koilarakadatxo azukre beltz
Edalontzi 1 ardo beltz
2 Laranja
Piperbeltza
Olioa
Gatza
Ezkaia
Arrozarentzako
Edalontzi bat Basmati arroza
Bi edalontzi eta erdi ur
Bi baratxuri ale
Azafraia
Prestaketa:
![](https://errezetak.eus/wp-content/uploads/2020/07/indioilarra_laranja_ziape_saltsan_2-1024x768.jpg)
Indioilarra laukitan zatitu (ahoan sartzeko modukoa) eta olioztaturiko lapiko batean urreztatu (ateratzean, gatzez eta piperbeltzaz ondu), gorde.
![](https://errezetak.eus/wp-content/uploads/2020/07/indioilarra_laranja_ziape_saltsan_4-1024x768.jpg)
Lapiko berberean, tipula brunoisen zatiturik potxatu, ondoren laranjaren birrindura eta zukua, laranja marmelada, ziapea eta azukrea gehituz 5-8 minutuz sukaldatu.
![](https://errezetak.eus/wp-content/uploads/2020/07/indioilarra_laranja_ziape_saltsan_5-1-1024x768.jpg)
Ondoren indioilarra gehitu eta bere atzetik ardo beltza gaineratuz, 15-20 minutuz egosi (edo indioilarra biguna egon arte).
![](https://errezetak.eus/wp-content/uploads/2020/07/indioilarra_laranja_ziape_saltsan_8-1024x768.jpg)
Bitartean baratxuriak xaflatan ebaki. Olioztaturiko lapiko batean azafraia eta baratxuriak frijitu, `dantzanĀ“ hasten direnean arroza gehitu, irabiatuz arroza olioa xurgatu arte. Ura eta gatza gehituz 12 minutuz egosi.
Plater batean indioilarra eta arroza jarriz, ezkaiaz hautseztatuz zerbitzatu.