LEGATZ KOKOTXA PIL-PILEAN
![](https://errezetak.eus/wp-content/uploads/2022/10/IMG20220917141604-326x245.jpg)
Arrainetatik eta itsaskietatik, oro har, ia dena aprobetxa daiteke; izan ere, baztertu ohi ditugun zatiak (arantzak eta buruak, esaterako) saldak egiteko eta platerei zaporea emateko ere erabil daitezke. Errezeta honetan, oharkabean pasatzen den arrainaren zati bati ematen zaion erabilera ikusiko duzu.
Kokotxak pil pilean egiteko errezeta bikaina da. Euskal Herriko jaki famatu eta, zalantzarik gabe, mokadu guztiz ikusgarria da. Zaila da kokotxak nolakoak diren (arrainaren kokotxa, hain zuzen) probatu ez duen norbaiti azaltzea, baina, zalantzarik gabe, zein mamitsuak eta samurrak diren aipatuko genuke.
2 Perts.
Osagaiak:
- 500gr Kokotxak
- 2 Kaiena
- 4 Baratxuri aleak
- Gatza
- 30cl Olioa
Denbora: 30 minutu.
Prestaketa:
1.Hasteko, paper xurgatzailea jarri lehortzeko. Ondoren, kokotxak ondo garbitzen ditugu, bi “hankatxoen” artean geratzen den gehiegizko azala eta haragi zatia kenduz. Sukaldeko guraize batzuekin edo laban zorrotz batekin egin daiteke, oso lan erraza da.
![](https://errezetak.eus/wp-content/uploads/2022/10/IMG20220917130222-1-300x225.jpg)
2.Buztinezko kazola batean, ahal bada, edo arruntean, oliba-olio ugari berotzen da. Baratxuriak pixkat gorrituko ditugu piperrautsa ondoan, eta biak plater batera erretiratuko ditugu.
![](https://errezetak.eus/wp-content/uploads/2022/10/IMG20220917131626-300x225.jpg)
3.Ondoren, kokotxen larrua gora begira jarriko ditugu kazolan, eta alboetan mugitzen hasiko gara, mugimendu biribilak eginez. Olioak ez du irakin behar. Kokotxen inguruan burbuila txiki batzuk sortzen direnean bere puntuan dagoela ohartuko gara, hau da olioak izan behar duen tenperatura-puntu zehatza, eta horrela mantendu behar da une oro.
![](https://errezetak.eus/wp-content/uploads/2022/10/IMG20220917132441-300x225.jpg)
4.Lapikoa sutatik aldenduko dugu, eta, bitartean, astintzen jarraituko dugu, saltsa ligatzeko, olioa tenperaturan igo ez dadin. Jaisten bada, sutan jarriko dugu berriro burbuilatxoak ikusi arte, eta horrela pil-pilean egon arte. Berehala zerbitzatu, gordetako baratxuri eta kaienarekin apainduz. Saltsaren lodiera, erabiltzen duzuen olio kantitatearen arabera izango da, beraz olioa gehiago edo gutxiago jarriz salda aldatuko dugu.
![](https://errezetak.eus/wp-content/uploads/2022/10/IMG20220917133449-300x225.jpg)