PATATA BOLA
![](https://errezetak.eus/wp-content/uploads/2020/05/IMG_20200409_204524-scaled.jpg)
Alabari oparitutako liburu errezeta batean alako gosegarri bat ateratzen da, baina guk erabat aldatu genuen errezeta hau egiteko. Ala ere, piperrauts mina edo chile batekin frogatu beharko dut….
Osagaiak:
1,5kgr Patata harea-antzeakoa
200gr Haragi txikitua
½ Tipula
¼ Kuiatxoa
½ Piper berdea
¼ Piper gorria
½ Azenarioa
2 Arrautza
1 Koilara gurin desegina
50ml Esnea
Ogi birrindua
Olioa
Piper beltza
Intxaur moskatua
Gatza
Prestaketa:
![](http://errezetak.eus/wp-content/uploads/2020/05/IMG_20200409_131035-1024x768.jpg)
Kazola bat urez bete eta patatak zuritu gabe sartu, egosi behar den denbora (patata ertainekin 30 minutu). Egosiak daudenean, hozten utzi.
![](http://errezetak.eus/wp-content/uploads/2020/05/IMG_20200409_131042-1024x768.jpg)
Tipula zuritu, piperrak eta kuiatxoa garbitu. Barazki guztiak brunoise eran zatitu. Kazola zapal batean oiloia gehitu eta tipula gaineratu, gatzez ondu, sukaldatu pittin bat.
![](http://errezetak.eus/wp-content/uploads/2020/05/IMG_20200409_132639-1024x768.jpg)
2-3 minutu igaro ondoren, piper zatiak eta 2 minutuetara kuiatxoa, su ertainean sukaldatu.
![](http://errezetak.eus/wp-content/uploads/2020/05/IMG_20200409_134046-1024x768.jpg)
Behin kuitaxoa biguna dagoela, suaren intentsitatea igo eta haragia gehitu, gatz, intxaur muskatua eta piperbeltzaz ondu, haragia egin. Sutik baztertu, multzoa xukatu eta gorde.
![](http://errezetak.eus/wp-content/uploads/2020/05/IMG_20200409_173541-1024x768.jpg)
Patatak hotzak daudenean, zuritu eta sardexka batekin zapaldu, ore bat geratu behar da.
![](http://errezetak.eus/wp-content/uploads/2020/05/IMG_20200409_203222-1024x768.jpg)
Ore honekin bola bat osatu behar da, ondoren erdian zulotxo bat egin eta bertan haragi eta barazkien multzoa sartu. Patata gehiagorekin zuloa estali eta borobil forma eman.
![](http://errezetak.eus/wp-content/uploads/2020/05/IMG_20200409_203934-1024x768.jpg)
Arrautzak irabiatu eta bolak busti, ondoren ogi birrindutik pasa.
![](http://errezetak.eus/wp-content/uploads/2020/05/IMG_20200409_204419-1024x768.jpg)
Zartagin batean olioa gehitu eta bero dagoenean bolak frijitu gorritu arte. Paper xurgatzaile batean xukatu. Plater batean zerbitzatu.