Batzuetan barazki motaren bat asko izatean, ez galtzearren, aprobetxamenduko errezetaren bat egitea pentsatu behar da. Honela bururatu egin zitzaidan porru salda hotza egitea, hori ba da , naiz eta izen panpoxa jarri dioten.
4 Perts.
Osagaiak:
- 1 Tipula
- 4 Porru
- 2 Patata
- 30cl Esnegain Likidoa
- Gatza
- 2 cl Olioa
- Ogia
- Urdaiazpikoa
Prestaketa:
1.Tipula eta porruak garbirik, ahal den fin-finena txikitu. Olioztaturiko kazola batean aurreko multzoa gehitu, gatzez ondu eta egosi su motelean.
2.Bigun dagoenean patatak zuriturik eta zati txikietan mozturik gehitu, bi minutuz irabiatu eta, esne-gaina gaineratu. Multzoa egosi 10 minutuz.
3.Irabiagailutik pasa eta ondore pure-egiletik. Hozkailuan gorde.
4.Zartagin batean urdaiazpikoa pittin bat egin , txikitu, zartagin berberean olioa gehitu, bero dagoenean ogia zatiturik frijitu. Edalontzi batean (hotza badago hobe) porru krema gehitu, ondoren ogi zati bat eta urdaiazpikoa gaineratu. Hozkailuan gorde zerbitzatu arte.
