San Ferminak pasa eta gero askotan hozkailua garbitu behar dugu (egunetan zehar gauza irekiak edo erosi eta egin gabeak), azpizuna, tomate irekia eta zergatik ez masala pittin bat gehitu?
4 Perts.
Osagaiak:
- 1 Azpizun
- 4 Baratxuri ale
- 1 Tipula txiki
- 400gr Tomate birrindua
- 4 Koilaratxo masala
- Gatza
- Olioa
- Piper beltza
- Ura
Prestaketa:
1.Baratxuri aleak eta tipula zuritu ondoren xafletan zatitu. Olioztaturiko kazola batean baratxuriak gehitu, “dantzan” hasten direnean tipula gehitu. Gatzez ondu eta multzoa potxatu. Tipula egina dagoenean, 1/3 edalontzi ur gaineratu eta multzoa irabiagailu edalontzi batera pasa eta irabiagailu batekin txikitu, gorde.
2.Kazola zapal batera tomatea gehitu, tipula birrindua eta masala. 5 minutuz egosi, gorde. Bitartean azpizunari gordina kendu eta 1 zm-tako medailoiak egin.
3.Gatzez eta piperbeltzaz ondurik zartagin batean urreztatu eta tomatearen kazolara gehitu. Medailoia guztiak eginik ditugunean, 5 minutuz egosi. Platerean zerbitzatu.
