![hirugiharra_txistorra_risottoa_1](https://errezetak.eus/wp-content/uploads/2014/01/hirugiharra_txistorra_risottoa_1-678x381.jpg)
Italian Risottoa omen da arroza prestatzeko erarik arruntena, ez dakit egia izango den, baina arroza krematsu hau niri izugarri gustatzen zait.
Osagaiak:
4 Perts.
2 Piper berdea
4 Arrautza
250gr Txistorra
3 Hirugiharra xafla (nahiko lodiak)
150gr Gurin
Tipula 1
Haragi salda 1L
Gatza
Olioa
150gr Ardi gazta
400gr Bonba arroza
3 Baratxuri
Prestaketa:
![](https://errezetak.eus/wp-content/uploads/2020/08/hirugiharra_txistorra_risottoa_3-1024x768.jpg)
Tipula eta baratxuriak brunoisen zatiturik, olioztaturiko lapiko zapal batean potxatu. Segituan piper berdea gaineratu (xafletan zatiturik).
![](https://errezetak.eus/wp-content/uploads/2020/08/hirugiharra_txistorra_risottoa_4-1024x768.jpg)
Multzoa egina dagoenean, arroza gehitu, irabiatuz joango gara salda guztia xurgatu arte.
![](https://errezetak.eus/wp-content/uploads/2020/08/hirugiharra_txistorra_risottoa_5-1024x768.jpg)
Momentu honetan, haragi salda bero dugula, burruntzali pare bat gehituz irabiatuz joango gara eta arroza salda xurgatzen doan heinean salda gehiago gehitu, arroza bere puntuan egon arte.
![](https://errezetak.eus/wp-content/uploads/2020/08/hirugiharra_txistorra_risottoa_7-1024x768.jpg)
Bitartean hirugiharra eta txistorra (biak xaflatan zatiturik) zartagin batean egingo ditugu eta arrozari 5 minutu geratzen zaizkionean gehituko dugu.
![](https://errezetak.eus/wp-content/uploads/2020/08/hirugiharra_txistorra_risottoa_8-1024x768.jpg)
Arroza egina dagoenean sutik alderatu, gazta (marraturik) eta gurina (laukitan zatiturik) gaineratuz multzoa irabiatuz (gazta eta gurina desagertu arte) 5-10 minutuz jalki.
Arrautza zartagin batean egin.
Plater batean risottoa eta gainean arrautza frijitua dugula zerbitzatu.