![bildots_errota_1](https://errezetak.eus/wp-content/uploads/2016/06/bildots_errota_1-678x381.jpg)
Askotan egitea pentsatua nuen platera datorkizue. Prestatzeko oso erreza eta zapore fina duena baina etxe azpiko harategian normalean ez duena. Ikusi nuenean ezin izan nuen eutsi.
Osagaiak:
4 Perts.
- 300gr Errota
- 1 Tipula txiki
- Perrexila
- 2 Baratxuri ale
- Ozpina
- Ura
- Condado de Almuza olioa
- Gatza
Prestaketa:
1.Errotak katilu batean jarri, ur hotza eta ozpin pittin bat gehituz ongi nahasi, 30 minutuz eduki. Denbora pasa ondoren, berriro ur hotzez garbitu eta ongi lehortu.
![](https://errezetak.eus/wp-content/uploads/2020/12/bildots_errota_3-1024x768.jpg)
2.Laban batekin tela zuriak kendu eta erditik zatitu, gorde.
![](https://errezetak.eus/wp-content/uploads/2020/12/bildots_errota_4-768x1024.jpg)
3.Tipula, perrexila eta baratxuri aleak brunoisen zatitu. Condado de Almuza olioa duen zartagin batean tipula gehitu eta gatzez ondu. Bi minutuetara baratxuria gaineratu eta multzoa potxatu.
![](https://errezetak.eus/wp-content/uploads/2020/12/bildots_errota_6-768x1024.jpg)
4.Kolore horixka hartzen duenean errotak gehitu, gatzez ondu, eta su motelean sukaldatu.
![](https://errezetak.eus/wp-content/uploads/2020/12/bildots_errota_7-1024x768.jpg)
5.Urre kolorea hartzen duenean perrexila gehitu eta 2-3 minutuz sukaldatu. Erretilu batean zerbitzatu.
![](https://errezetak.eus/wp-content/uploads/2020/12/bildots_errota_9-1024x768.jpg)